Nr. 21

A few one-liners:

- Did you hear of the golfer who didn't understand the comedy?

- Or the electrician who was always in the zone?

- But what about the carpenter who farted?

- Then there was the priest who ate his bread.

- And did you hear of the tailor who didn't cut out his coat according to his growth?

- And last, but not least, did you hear of the sailor who reeled in haddocks?

Nr. 20

Maður nokkur var á gangi þegar hann sá stiga sem lá eitthvert langt upp í loftið og hvarf inn í skýin. Eins og við öll hefðum sjálfsagt gert, þá byrjaði hann að klifra upp stigann. Hann náði upp í neðsta skýið, en þar sat frekar sóðaleg, illa vaxin og afskaplega ófrýnileg kona. "Njóttu ásta með mér, eða klifraðu upp stigann að velgengni," sagði hún nautnalega.
Maðurinn hafði ekki nokkurn áhuga á henni svo hann hélt áfram að klifra upp stigann þar til hann náði upp í næsta ský. Á þessu skýi var aðeins betur vaxin kona sem var aðeins betri fyrir augað. "Njóttu ásta með mér, eða klifraðu upp stigann að velgengni," sagði hún. "Ja," hugsaði maðurinn með sér, "ég gæti allt eins prófað að klifra áfram."
Uppi á næsta skýi var kona sem var nokkuð aðlaðandi. "Njóttu ásta með mér eða klifraðu upp stigann að velgengni," mjálmaði hún. Maðurinn hugsaði með sér að eftir því sem hann klifraði ofar í stigann yrði ástandið betra, svo hann hélt áfram að klifra. Á næsta skýi var síðan algjör fegurðardrottning. Hún var með fullkominn vöxt, þrýstin, kynþokkafull, gullfalleg og bjó yfir öllum þeim útlitskostum sem hægt var að búa yfir. "Njóttu ásta með mér... eða klifraðu upp stigann að velgengni," daðraði hún.
Maðurinn gat varla ímyndað sér hvers konar fegurð biði hans fyrir ofan, en þar sem honum þótti gaman að taka í einstaka fjárhættuspil ákvað hann að klifra stigann upp í næsta ský.
Þegar hann náði þangað tók á móti honum akfeitur, sveittur og skítugur maður í nethlírabol. Hárin undir handarkrikunum á honum voru klepruð af svita og óhreinindum og flugur sveimuðu yfir höfði hans.
"Hver ert þú?" spurði maðurinn hissa.
"Halló," sagði maðurinn, "ég heiti Cess."

Nr. 19

Grímuklædda hetjan og aðstoðarmaður hans, indíáninn Tonto voru á ferðalagi um gresjur Bandaríkjanna. Tonto steig af hestinum, lagði eyrað að jörðinni og tilkynnti síðan, "Buffalóar koma."
Grímuklædda hetjan hlustaði í forundran á Tonto og spurði síðan, "hvernig veistu?"
Tonto stóð upp og svaraði: "Eyra klístrað."

Nr. 18

Tvær gamlar konur sátu á strætisvagnastöð og biðu eftir vagninum, en önnur var að reykja sígarettu. Skyndilega byrjaði að rigna og þá teygði sú þeirra sem var að reykja sig í handtöskuna sína og náði sér í smokk, klippti af honum endann og rúllaði honum upp á sígarettuna. Þannig hélst sígarettan þurr á meðan hún hélt áfram að reykja.
Vinkona hennar sá þetta og sagði, "hey, þetta er góð hugmynd. Hvaða fyrirbæri er þetta sem þú settir utan um sígarettuna?"
"Þetta kallast smokkur," svaraði sú gamla með rettuna.
"Smokkur, já," sagði sú fyrri. "Hvar ætli maður nái í slíkt?"
Sígarettukonan svaraði því til að hægt væri að kaupa smokka í öllum apótekum. Þegar vinkonurnar komu niður í bæ gekk sú fyrri beint inn í næsta apótek og spurði lyfjafræðinginn hvort hann seldi smokka. Apótekarinn hélt það nú, en var greinilega dálítið hissa á að þessi fjörgamla kona skyldi spyrja um þess háttar vöru. Hann reyndi samt að láta ekki á neinu bera og spurði því, "og hvaða stærð má bjóða þér?"
Sú gamla hugsaði sig um í smástund og svaraði síðan, "ja, hann verður að passa utan um Camel."

Nr. 17

Hvað færðu út ef þú blandar saman skordýri og kanínu?
- Nú, auðvitað Kalla kanínu.

Nr. 16

Jónas ákvað að fara út að borða í einu hádeginu með konunni sinni, þriggja ára syni og eins árs gamalli dóttur. Þau hjónin ákváðu að leyfa syninum að velja veitingastað og þurfti því ekki að koma á óvart þó valið réðist af því hvaða leikföng fylgdu með matnum. Guttinn vildi ekki fara neitt annað en á Burger King, en þar fylgdu leikföng úr Toy Story með hverri öskju, auk þess sem öskjurnar voru skreyttar myndum af persónum úr myndinni. Sá litli fékk lítinn drykk með mynd af einhverjum hinna minna þekktu sögupersóna. Kona Jónasar fékk meðalstóran drykk með hinum hátæknivædda geimfara Buzz Lightyear. Jónas fékk sér síðan stóran drykk með mynd af ekki eins hátæknivæddum kúreka sem Jónas las af drykkjarmálinu að kallaðist Woody. Þegar Jónas gekk að borðinu með alla drykkina á bakka gargaði guttinn yfir allan veitingastaðinn: "Sjáðu pabbi, þú ert með Vidda!!!"

Nr. 15

The phone rang.
- Hello.
- Hi, is Bolli Hreinn there?
- No, there's no Bolli Hreinn here.
- Well, why don't you get a dishwasher then?

Nr. 14

The principal showed three boys to his office after they had been sent to him as punishment for disregarding school regulations. Since the principal didn't exactly know what the boys were being punished for, he first approached them by giving a speech on how important it was to stay out of trouble and emphasised how disappointed he was seeing them in his office. "No-one is sent to me unless he did something seriously wrong," he fumed at the boys. Then he turned to the first one. "Now," he said, "why have you been sent to me?"
The boy looked nervously down at his feet. "Uh... well..." he stammered, "I guess I threw a stone in the pond."
This came as a complete surprise to the principal, as he really didn't think this was serious enough a crime for the boy to be sent to his office. He thought about it for a while and then said, "Well, I really don't think this is so bad. Mind you, this is of course not an act I want you to repeat, but I'll let you go with a warning today. And stay out of trouble, okay?" The boy nodded enthusiastically and ran out of the principal's office.
"Now then," the principal said and turned to the next boy. "Why have you been sent to my office?" The boy looked at the door through which his friend had just gone, and then looked at the principal. "I also threw a stone in the pond," he said. The principal shook his head, gave him the same speech as he had the boy before and then showed him out of the office.
He then turned to the third boy. "And I suppose you also threw a stone in the pond?" he asked. "No," the little boy whispered. "Well then, pray tell boy, why on earth were you sent to my office?" the principal asked impatiently. "Uh... you see..." the boy said, "my name is Steinn."

Nr. 13

Mörgæs nokkur hafði átt í bílavandræðum í nokkrar vikur. Að lokum gafst hún upp og ákvað að fara með bílinn til bifvélavirkja í skoðun. "Geturðu litið á bílinn fyrir mig?" spurði hún, "gangurinn í honum er búinn að vera ferlega leiðinlegur."
Bifvélavirkinn hélt að það ætti ekki að vera nokkurt mál. "En ég kemst ekkert í að kíkja á bílinn fyrr en eftir hálftíma í fyrsta lagi," bætti hann við og klóraði sér í kollinum. Þar sem mörgæsin nennti engan veginn að sitja í óþægilegri biðstofu og bíða eftir þessu ákvað hún að fara í gönguferð um hverfið og þegar hún hafði rölt um í smástund kom hún að ísbúð. Þar sem hún var ekkert búin að borða í allan dag kjagaði hún þangað inn og bað um þrjár kúlur af vanilluís í brauði. Nú veit ég ekki hvort þið hafið séð mörgæsir borða rjómaís í brauði. Það er kannski ekki beinlínis hægt að segja að þær séu viljandi mjög sóðalegar við þá iðju, en þær eru heldur klaufalegar. Það fór því svo fyrir okkar mörgæs að þó hún næði að gleypa meirihlutann af ísnum, þá ataði hún sig meira og minna út í hamagangnum og græðginni. "Maður, hvað þetta var góður ís," sagði mörgæsin við sjálfa sig um leið og ísklessurnar láku af gogginum og niður á belginn.
Hún gekk nú áleiðis til baka að bifreiðaverkstæðinu, en þar tók bifvélavirkinn á móti henni með heldur slæmar fréttir. "Mér sýnist þú hafa sprengt innsigli," sagði hann og kinkaði kolli.
"Nei, nei," svaraði mörgæsin, "þetta er bara rjómaís."

Nr. 12

Hvað sagði nýja brúður Bill Gates við hann á brúðkaupsnóttina?

Svar: "Já, er það þess vegna sem þú skírðir það Microsoft?"

Nr. 11

Einu sinni var fluga sem flögraði um í um 15 sentimetra hæð yfir vatnsyfirborði ár nokkurrar uppi í sveit. Silungur nokkur átti leið þarna hjá, sá fluguna fljúga um í 15 sentimetra hæð og sagði við sjálfan sig, "Það vildi ég að flugan myndi lækka flugið um svona 10 sentimetra, því þá gæti ég stokkið upp úr ánni án nokkurrar fyrirhafnar og gleypt hana með bestu lyst." Í sömu svifum rölti skógarbjörn syfjulega fram á árbakkann. Hann rak augun í silunginn, sá hann mæna á fluguna og sagði við sjálfan sig, "Það vildi ég að flugan myndi lækka flugið um svona 10 sentimetra, því þá gæti silungurinn stokkið upp úr vatninu og gleypt fluguna, en þá gæti ég gripið silunginn á lofti og étið hann með bestu lyst." Skömmu síðar kom veiðimaður gangandi og sá allt sem var þarna í gangi. Hann sagði stundarhátt við sjálfan sig, "Það vildi ég að flugan myndi lækka flugið um svona 10 sentimetra, því þá gæti silungurinn stokkið upp úr vatninu og gleypt hana, en þá gæti björninn stokkið til og gripið silunginn, því þá gæti ég skotið björninn og fengið fallegan bikar sem ég gæti geymt á arinhillunni minni." Svona stóðu allir viðstaddir grafkyrrir í nokkrar mínútur, eða þar til fjallaljón kom röltandi, nam staðar bak við runna og sá allt sem var í gangi. Það sagði því við sjálft sig, "Ja, það vildi ég að flugan myndi lækka sig um svona 10 sentimetra, því þá gæti silungurinn stokkið upp úr vatninu og gleypt hana, en þá gæti björninn stokkið til og gripið silunginn, því þá gæti veiðimaðurinn skotið björninn, en þá gæti ég notað tækifærið, stokkið út úr þessum runna og beint ofan á veiðimanninn og síðan étið hann."

Svona stóð öll hersingin um stund, en allt í einu lækkaði flugan sig um 10 sentimetra, silungurinn stökk upp og gleypti fluguna, björninn greip silunginn og át hann, veiðimaðurinn skaut björninn og fjallaljónið stökk út úr runnanum, en sveif yfir veiðimanninn og lenti ofan í ánni með miklum buslugangi.

Boðskapur sögunnar er því: Þegar flugan fer niður, þá blotnar kisan.

Upp hefur komið sú hugmynd að láta þessar brandaraþýðingar ganga í báðar áttir - þ.e. þýða einnig íslenska brandara yfir á ensku, svo hægt sé að slá um sig með íslenskri kímni þegar farið er út fyrir landsteinana. Verður þessi hugmynd reynd hér eftir og munu enskir og íslenskir brandarar birtast á víxl, en þó án nokkurra reglna. Eftirfarandi er fyrsti brandarinn sem snúinn hefur verið af hinu ástæka ylhýra og yfir á engilsaxnesku.

Nr. 10

Did you hear about the bull that had everything on its horns?

Nr. 9

Voruð þið búin að heyra um Pólverjann sem hélt að konan hans væri að reyna að drepa hann?
- Jú, hann fann nefnilega lakkeyði í lyfjaskápnum...

Nr. 8

Fjórir menn voru um borð í báti. Þar sem þeir sigldu um höfin blá datt þeim í hug að slaka á með því að fá sér sígarettu, en uppgötvuðu sér til mikillar hrellingar að þeir höfðu gleymt eldfærum í landi. Félagarnir hugsuðu lengi um hvernig þeir gætu bjargað sér úr þessum leiðinlegu aðstæðum og skyndilega datt einn þeirra niður á lausnina. Hann henti einfaldlega einni sígarettu fyrir borð. Þetta ráð reyndist vel. Nú gátu þeir reykt eins og þá lysti, enda var báturinn orðinn sígarettu léttari.

Nr. 7

Ljóska nokkur var að spila Trivial Pursuit við nokkra vini sína með misjöfnum árangri. Þegar röðin kom að henni kastaði hún teningnum, fékk þrjá og lenti á græna vísindareitnum. Einn spilafélaganna dró íbygginn upp spurningaspjaldið og las upp eftirfarandi spurningu: "Ef þú værir stödd í lofttæmi, myndirðu þá heyra það ef einhver nærstaddur kallaði á þig?"

Ljóskan hugsaði sig um smástund og spurði svo: "Er kveikt eða slökkt á henni?"

Nr. 6

Hvalur nokkur var að synda í kringum fiskibát rétt utan við strendur Kanada og forvitnast um þessar undarlegu verur sem horfðu á hann á móti. Þegar einn sjómannanna tók sig til og skaut spjóti í átt að honum flýtti hvalurinn sér að kafa djúpt ofan í hafið og hitti þar fyrir kvenkyns hval. Hann sagði henni farir sínar ekki sléttar og lýsti því fjálglega hvernig sjómaðurinn hefði reynt að skjóta hann með spjóti. Hún hafði sömu sögu að segja, sagðist hafa flúið spjótið sjálf og að hún hefði verið á flótta frá mönnunum í allan dag.

Karlhvalurinn hugsaði sig um í smástund. "Ég er með hugmynd," sagði hann síðan, "við skulum synda upp undir bátinn og blása eins fast og við getum upp um loftgötin okkar. Þá ætti bátnum að hvolfa og þegar sjómennirnir detta útbyrðis getum við gleypt þá." Kvenhvalurinn hlustaði á hugmyndina og sagði síðan, "Tja, ég er svosem alveg til í að blása, en ég ætla sko ekki að gleypa neina sjómenn."

Nr. 5

Maður nokkur hringdi í konuna sína af slysadeildinni. Hann sagði henni að hann hefði lent í vinnuslysi þar sem hann var við húsasmíðar og að einn fingurinn hefði rifnað af. "Guð minn almáttugur," skrækti konan í símann. "Allur fingurinn?"

"Nei," svaraði maðurinn. "Það var sá við hliðina á honum."

Nr. 4

Ljóska nokkur var að gorta sig af því hvað hún væri vel að sér í höfuðborgum einstakra ríkja í Bandaríkjunum. "Ég skal sko sanna þetta," sagði hún stolt við einn félaga sinn. "Reyndu bara að spyrja mig, ég þekki þær allar." "Allt í lagi þá," sagði vinurinn, "hver er höfuðborgin í Wisconsin?" "Það er sko auðvelt," ljómaði ljóskan, "það er W."


Nr. 3

Ákaflega drukkinn maður sem var í leit að gleðihúsi skjögraði óvart inn á stofu fótasérfræðings og skakklappaðist að skrifborði móttökudömunnar. Sú leit ekki einu sinni á hann heldur benti honum á að koma inn fyrir, leggjast á bekk og sagði síðan við hann, "stingdu honum bara í gegnum tjaldið þarna."

Maðurinn sá það fyrir sér að hann ætti eitthvað létt-afbrigðilegt í vændum, þannig að hann fálmaði ofan í buxnaklaufina sína, dró vininn út og stakk honum í gegnum tjöldin. "Hey, þetta er ekki fótur," gargaði sérfræðingurinn.

"Fjandinn hafi það fröken," kallaði sá drukkni á móti, "ég vissi ekki að þú færir fram á lágmarkslengd."


Nr. 2

Prófessor í dulspeki í bandarískum háskóla var að fjalla um drauga og vofur í einum fyrirlestra sinna og ákvað að kasta fram þeirri spurningu hve margir nemendanna tryðu á drauga. Næstum allir réttu upp hönd.
- "En hverjir hérna inni hafa séð draug?" spurði hann næst.
Tæplega helmingur rétti upp hönd.
- "Allt í lagi, en hverjir hérna inni hafa talað við draug?" spurði hann enn.
Rúmlega 10% nemenda réttu upp hönd og prófessorinn ákvað að færa sig enn upp á skaftið.
- "Hverjir hérna inni hafa snert draug?"
Fimm eða sex réttu upp hönd og nú ákvað prófessorinn að ganga eins langt og hann gat hugsað sér.
- "Gott og vel. En hverjir hérna inni hafa notið ásta með draugi?"
Skeggjaður sveitavargur sem sat á aftasta bekk í rifnum smekkbuxum og með stráhatt á höfði rétti upp hönd.
- "Hefurðu virkilega notið ásta með draugi?" spurði prófessorinn forviða.
- "Jebb," sagði sveitalubbinn stoltur og hrækti strái sem hann hafði verið að tyggja út úr sér.
- "Alveg er þetta merkilegt," sagði prófessorinn, frá sér numinn, og bað dreifbýlisguttann að koma upp á svið til sín og ræða um þetta fyrir framan hópinn. Sá stóð hróðugur upp og gekk glottandi í gegnum salinn og upp á svið til prófessorsins. Þar tók hann sér stöðu fyrir framan nemendurna og brosti sigri hrósandi yfir samnemendur sína.
- "Jæja," sagði prófessorinn síðan þegar ró var kominn á samkunduna, "þú stendur sem sagt hérna og fullyrðir að þú hafir notið ásta með draugi?"
- "Með draugi?" hváði sveitalubbinn og var greinilega brugðið. "Með draugi? Fyrirgefðu, ég hélt þú hefðir sagt "með geit"."


Nr. 1

- Vitið þið hvers vegna Joe fór frá Sue?
- Jú, það var vegna þess að þau bjuggu í tveggja hæða húsi. Önnur sagan var sú að hún væri með höfuðverk, en hin sagan gekk út á það að hún væri of þreytt.